Ju e njihni Mirosin nga uji. Tash do ta njihni që në shikim të parë.
Ky ribrendim nisi me një pyetje: si mund të jemi më afër jush?
Si mund t’ju flasim më qartë, t’ju dëgjojmë më mirë dhe ta bëjmë Mirosin më të lehtë për t’u kuptuar?
Prandaj kemi përtërirë logon, shishen, etiketat dhe mënyrën se si komunikojmë. Jo për t’u dukur ndryshe për hir të ndryshimit, por për ta bërë Mirosin më të qartë, më të dallueshëm dhe më pranë përditshmërisë suaj.
Një zgjedhje më e thjeshtë
Në raft, vendimi merret shpejt. Logoja e re lexohet më qartë, ndërsa ngjyrat dhe etiketat ndihmojnë që produktet të dallohen më lehtë nga njëri-tjetri.
Uji natyral, uji i gazuar dhe variantet me shije kanë secili pamjen e vet, por mbeten pjesë e të njëjtit Miros.
E kemi bërë këtë sepse besojmë se ju e vlerësoni qartësinë: ta dini çfarë po merrni, pa pasur nevojë ta kërkoni gjatë. Qartësia, për ne, është një formë respekti ndaj jush.
Një gjuhë që e kupton
Kemi ndryshuar edhe mënyrën se si Miros komunikon, që të kuptohemi më mirë.
Ajo është më e thjeshtë, më njerëzore dhe më pranë shqipes që përdorim çdo ditë. Flet për burimin, hidratimin, lëvizjen dhe momentet e zakonshme me fjalë që ndihet se na përkasin.
Slogani “Thjesht ta do zemra” përmbledh atë që duam të jetë Miros: një zgjedhje e afërt dhe e natyrshme.
I ndërtuar rreth asaj që vlerësoni
Para ribrendimit, u ndalëm ta kuptonim më mirë mënyrën se si Miros bëhet pjesë e ditës suaj: në familje, në punë, në lëvizje, gjatë aktivitetit fizik dhe në tavolinë. Deshëm të kuptonim kur, ku dhe pse ju duhet uji.
Auditimi i brendit, analiza e kategorisë, segmentimi i audiencave, moodboard-i dhe hartëzimi i momenteve të konsumit ishin mënyrat tona për të dëgjuar dhe për t’i kthyer ato njohuri në vendime më të mira.
Më pranë momenteve tuaja
Pamjen dhe gjuhën e re do t’i shihni në fushatën e lansimit, në rrjetet sociale, në pikat e shitjes dhe në bashkëpunimet me sportin, muzikën, kulturën dhe jetën e qytetit.
Jo për të qenë të pranishëm kudo, por për të qenë aty ku prania jonë ka kuptim.
Çdo aktivitet është menduar për të krijuar më shumë hapësirë për takim, lëvizje, muzikë, mirëqenie dhe momente që ndahen me të tjerët.
Ky ribrendim na ndihmon neve t’ju tregojmë më qartë atë që Miros ka qenë gjithmonë, dhe të jemi pak më afër jush.
Thjesht ta do zemra.
